Nakatanggap na ang mga Senior Citizen sa Tarlac ng kanilang Second Quarter Pension nito lamang ika-9 ng Hunyo 2022.
Ito ay pinangasiwaan ng Department of Social Welfare and Development Region III (DSWD R-3) katuwang ang Pamahalaan ng Tarlac City sa pamumuno ni Mayor Cristy Angeles, Office of the Senior Citizens Affairs (OSCA) at City Social Welfare and Development Office (CSWDO).
Higit isang libong pensioners ang nakatanggap ng Php1,500 bawat isa para matustusan ang pang-araw-araw na pangangailangan.
Ang ganitong programa ay isang paraan upang makatulong sa mga lolo’t lola na hindi na makapagtrabaho at kabilang sa tinatawag na vulnerable sectors.
