Nagkari ni Ma Noel Tolentino, baro a Regional Director ti Office of the Civil Defense Cordillera Administrative Region (OCD-CAR) nga ituloyna ti nirugyan ti sinukatanna a Regional Director a ni ASEC Albert Mogol.
Iti media interview kenkuana, impeksana nga ituloyna dagiti programa ken proyekto a nadanunanna.
Innayunna pay a saan a mapukaw dagiti legasiya nga imbati ti sigud a Director.
Inyebkas metlaeng daytoy a dagiti programa ti OCD CAR ket mamintinir kas pagsayaatan amin ti umili ti Rehion no sadinno mamitigate dagiti risgo ken mapagtalinaed ti resiliency iti Rehion nangnangruna kadagiti kalamidad ken didigra.
Kabayatanna, agyamyaman met daytoy para iti pannakaipaay ti nasao position kenkuana.Innayunna pay a pagbalinenna daytoy a karit iti bukodna a bagi daytoy.
Impeksana met a ti umuna nga aramiden daytoy ket ti panagrikusna iti Rehiyon ken panagbisitana kadagiti amin a lugar kasta metten kadagiti nagduduma nga opisina ti gobyerno tapno adadda a maamoanna ti maipapan kadagitoy.
Source: Bombo Radyo Bacolod
