Agpalpallagip ti Barangay Officials ti BGH Compound iti publiko kasaruno iti napasamak nga insidente iti panagtakaw iti maysa a kooperatiba iti nasao a barangay ita nga aldaw.
Sigun kenni Nomer S. Quijon, Barangay Kagawad iti nasao a lugar, saan laeng a daytoy ti umuna a gundaway a napasamak ti nasao nga insidente ti panagtakaw no sadino adda metlaeng dagiti kapada nga insidente iti napalabas a tawen.
Kinuna ni Quijon, natakawan metlaeng ti nasao nga establishimento idi 2025 ngem ti kantina laeng ti pinuntirya dagiti suspek.
Ket ita a tawen, naulit manen ti panagtakaw iti nasao a kooperatiba partikular iti maikadua a kadsaaran daytoy.
Iti baet ti dayta, impeksa daytoy a nababa ti rate ti panagtakaw iti masakupan dagitoy .
Nupay kasta, agtultuloy latta ti panagbantayda iti masakupan tapnu maliklikan ti anyaman a krimen.
Umap-apila met daytoy kadagiti residente ken publiko iti panagridam ken panangisafety kadagiti kagawaan dagitoy.
Iti agdama, mannarimaan ti imbestigasyon ti pulisya iti napasamak a panagtakaw iti nasao a compound no sadinno mapatta-patta nga agarup P150,000 ti naitaray a kwarta manipud iti vault.
Source: Bombo Radyo Baguio
