Awan ti nadangran iti aksidente a napasamak idiay Barangay Bulbulala, Santiago, Ilocos Sur.
Karaman iti aksidente ti maysa a van a minaneho ti Lalaki nga agtawen iti duapulo ket maysa, taga-Agusan Del Sur.
Ti met AUV ket minaneho ti lalaki nga agtawen iti tallopulo ket dua, taga-Barangay Lang-Ayan, Santiago.
Agpapa-amianan dagiti dua a lugan a ti van ket sarsarunwenna ti AUV.
Idi magtengda ti nakapasamakan ti insidente, nagsardeng ti AUV iti outer lane ken bigla a bimmallasiw ket nadungpar daytoy ti van.
Source: Bombo Radyo Vigan
