Nakemmeg ti 59-anyos a lalake, maysa a vendor ken agdama nga agnanaed sadiay City Camp Proper, Baguio City babaen iti buy-bust operasyon a naipatungpal sadiay Melvin Jones Ground near Solibao Restaurant, Brgy. Burnham Legarda, Baguio City idi kalman.
Nakumpiskar manipud iti suspek ti maysa a pidaso ti heat-sealed transparent plastic sachet a naglaon iti agarup 1 gram ti maatap a shabu nga addaan iti SDP a PhP 6,800.00 (subject of sale).
Malaksid iti dayta, nakumpiskar metlaeng ti maysa a pidaso ti original Five-Hundred-peso bill a naaramat kas buy-bust money ken uppat a pidaso ti One-Thousand boodle money ken Cellphone.
Ti suspek ken dagiti nakumpiskar a drug evidence ket addan iti kustodiya ti BCPO City Drug Enforcement Unit para iti umno a dokumentasyon ken disposisyon bayat a dagiti nakumpiskar a drug evidence ket maipaima iti Regional Forensic Unit CAR, Camp Major Bado Dangwa, La Trinidad, Benguet para iti Qualitative ken Quantitative Examination.
Balligi ti operasyon babaen ti City Drug Enforcement Unit/ City Intelligence Unit iti Baguio City Police Office (lead unit), BCPO Station 5 ken PDEA Baguio-Benguet.
Source: Bombo Radyo Baguio
