Naduktalan so bangkay na sakey a lalaki ed abay na Agno River diad Lingayen, Pangasinan, makalipas so pirang oras manen ya naibaga ya nawala ed Lingayen District Hospital.
Segun ed impanibaga nen PLtCol. Junmar C. Gonzales, hepe na Lingayen Municipal Police Station, agaran a nangrugi so saray awtoridad na panagbirbirok pian naduktalan so lalaki kalpasan ya naawat da so report tungkol ed panawawala to ed ospital.
Makalipas so pirang oras, naduktalan so biktima ed abay na Agno River. Walay to’na ed Domalandan Center, Lingayen.
Base ed dami na inisyal a panagberipika na pulisya, walay impanreport a problema ed pamilya na biktima. Segun met ed impanibaga na pamilya, wala ray nararanasan a problema na biktima. Balet, tuloy-tuloy ni so panag-imbestiga na saray awtoridad pian natukoy so amin a detalye na insidente tan so rason na panawawala to ed ospital.
Diad inisyal a salaysay, inutusan na umano na biktima so bantay to ya man-gatang na medisina tan nabati ni ed lugar. Balet, diad panagbalik na bantay to, agyo la naduktalan so biktima, kaya impanreport da so panawawala to.
Tuloy-tuloy so panag-imbestiga na Lingayen PNP pian natukoy so amin a nangyari sakbay ya naduktalan so biktima. Inaalim din na saray awtoridad so saray impormasyon a konektado ed kasasaad na biktima sakbay na insidente.
Samantala, pinaalalahanan nen Gonzales so publiko ya bigyan na sapat a atensyon so saray indibidual a posibleng walaan na problema ed pangkaisipan. Importante met ya natalosan da na sapat a pananggiya, suporta tan panangaywan, lalo la no kasapulan da na masinsin a panagbantay.
Source: Bombo Radyo Pangasinan
