Nasurok P12-K a gatad ti mapapati a shabu ti naala manipud iti naiwayat a buy-bust operation idiay Barangay San Jose, Santiago, Ilocos Sur, maibilang a Non-Drug Affected Barangay.
Ti suspek ket agtawen iti duapulo ket uppat, agnaed iti nasao a lugar.
Naala ti 1.9 grams ti mapapati a shabu nga aggatad iti P12,290, naikabil iti tallo a heat-sealed transparent plastic sachet a buy-bust item ken possession.
Dagiti non-drug evidence ket pakairamanan ti maysa a sangaribo a pisos a buy-bust money, ken traysikel.
Sangwen ti suspek ti kaso a panaglabsing iti Republic Act 9165 wenno Comprehensive Dangerous Drugs Act of 2002.
Source: Bombo Radyo Vigan
