Dead on arrival ti maysa a mangngalap a nagmaneho ti motorsiklo kalpasan ti napasamak nga aksidemnte idiay Barangay Manangat, Caoayan, Ilocos Sur.
Ti nagmaneho ti Honda Click 125 motorcycle ket agtawen iti duapulo ket pito, kalubonna ti agtawen iti duapulo ket maysa, agpada a residente ti Barangay Fuerte ti nadakamat nga ili.
Iti pannakiuman ti Bombo Radyo Vigan ken ni PLT Ryan Quiocho ti Caoayan Municipal Police Station, pinasingkedanna nga agturong iti daya a direksion ti motorsiklo ket idi nadanon da ti nakapasamakan ti insidente, mapapati a a naawanan ti kontrol ti nagmaneho ti motorsiklo isu a naidungpar da iti maysa a poste.
Naitaray dagiti dua iti balay pagagasan ngem naideklarar a dead on arrival ti nagmaneho ti motorsiklo gapu ti nakaru a sinagrap na a dunor iti nadumaduma a paset ti bagina idinto nga addan iti natalged a kasasaad ti backrider.
Naammuan a nakainom ti arak dagiti dua idi napasamak ti insidente.
Source: Bombo Radyo Vigan
