Agingga iti Agosto 17, 2026, 9:00 ti bigat, agraman ti 56,195 a pamilya wenno 164,491 nga indibidwal iti innem a lugar iti Cordillera ti naapektaran gapu iti napigsa a Habagat ken dagiti Bagyong Luis ken Maymay.
Iti tengnga daytoy a sitwasyon, nakaiteddan ti Department of Social Welfare and Development (DSWD), dagiti Local Government Units (LGUs), non-government organizations (NGOs), ken dadduma pay a katuwang iti humanitarian assistance a nagkantidad iti P31.11 milyon.
Agtultuloy met ti assessment ken validation dagiti responsable nga ahensya tapno maamiris ti pudno a kasapulan dagiti apektado a pamilya ken masigurado a dagus ken umiso a tulong ti maipaay kadagiti komunidad.
Agtultuloy met ti panagtitinnulong dagiti lokal a gobierno ken partner organizations iti disaster response efforts tapno mapabilis ti pannakaipaay ti ayuda kadagiti pamilya nga agkasapulan.
