Inpakaammo ni Chief PNP Police General Jose Melencio C. Nartatez Jr. dagiti nagun-od ti Philippine National Police (PNP) iti panagkampanya kontra krimen, ilegal a droga ken panagsmuggle.
Iprisentarna ni Nartatez dagiti accomplishment ti PNP idi Traditional Monday Flag Raising Ceremony ita a bigat, Agosto 17, 2026, idiay Camp Crame, Quezon City.
Maibilang kadagiti napigsa a resulta ti operasyon iti Kalinga, a nakabungkal ken nakalaglag iti 750,000 a mula ti marijuana a tinantiyang aggatad iti P150 milyon. Iti Mindanao, nakasita met ti kapulisan iti smuggled cigarettes a naggatad iti P37 milyon.
Itultuloy met ti PNP ti panangbirok ken panangaresto kadagiti Most Wanted Persons, pakairamanan dagiti foreign nationals a mairaman iti panaglabsingda iti linteg.
Segun ken Nartatez, tunggal aksyon ti PNP ket masapul a mangsalaknib kadagiti komunidad ken mangpapigsa iti panagtalek ti publiko iti kapulisan.
“Let every action protect our communities and strengthen public trust. That is the meaning of ‘Bagong PNP para sa Bagong Pilipino: Serbisyong Mabilis, Tapat, at Nararamdaman,’” a kinuna ni Nartatez.
Inyatakan ti PNP a itultuloyda ti napigsa a kampanya kontra krimen ken dadduma pay a pakaseknan iti talna ken seguridad tapno mapagtalinaed ti kinatalged dagiti umili.
