Impetteng ni Mayor Benjamin Magalong nga awan ti pakainaigan ti eleksyon iti panangpasarana kadagiti adu a business establishments iti siudad ti Baguio.
Sigun kennii Mayor Magalong, addu dagiti business establishment iti siudad ti awan ti permit na.
Malaksid iti dayta, kumarkaro metlaengen ti isyu wenno parikut iti sanitation.
Impeksana nga perisistent dagiti report a maaw-awatda seknan iti sanitation kangrunaan iti basura.
Innayona pay nga adun dagiti nasitsitana ken binagaanna bayat iti panagrikusna ngem adu pay laeng ti natangken ti ulona ken saan nga agtultulnog.
Sigun kenkuana, panawenen tapno ingetan, striktoan, ken seryosoen dagitoy nga issue.
Itay napalabas a lawas, sumagmamano nga establisiyemento idiay Marcos Highway ti naipasera.
Kagiddan dayta, inpawil ni Mayor ti panagparada idiay Layby aread ti Marcos Highway gapu kadagiti adu a basura a maibelbeleng sadiay manipud kadagito agparparada a truck ken luglugan idiay.
Panggepna metlaeng nga iparit ti panagparking iti paset ti Kias Road-PMA Road idiay Loakan gapu iti isu metlaeng nga isyu.
Gapu gamin kadagiti basura, mapulpullatan dagiti drainages.
Kabayatanna, maysa pay kadigiti ingetan daytoy ket dagiti food establishment a saan nga agcomply no sadino kasla dagitoy payen ti mangkarkarit gapu ta saanda metten nga agcomply kadagiti pagalagadan ti siudad nangruna nu maipanggep iti sanitation.
Inyebas ni Mayor Magalong ti asi na kadagiti food establishments a mangikagkagumaan nga agcomply kadagiti amin a kasapulan para iti negosyo dagitoy.
Source: Bombo Radyo Baguio
