Nagbalin a dakkel a dayaw iti Region 2 ti pannakabaligi dagiti dua a kandidata manipud Cagayan Valley iti naangay a Miss Philippines Earth 2026, idi rabii ti Hunyo 27, 2026 kalpasan a naala da ti dua kadagiti lima a kangrunaan a korona iti nasao a pambansa a patimpalak.
Ni Rina Andrea Delos Santos manipud Ballesteros, Cagayan, ti nakoronaan a Miss Philippines Earth 2026, bayat a ni Prima Joy Alamban manipud Tumauini, Isabela, ket nagballigi kas Miss Philippines Air 2026.
Ti Miss Philippines Earth ket saan laeng a patimpalak ti kinapintas. Daytoy ket maysa a plataporma a mangitag-ay iti panangsalaknib iti aglawlaw ken panangpabileg kadagiti komunidad a mangipakita iti responsibilidad iti pannakapreserbar ti kinaparsua. Dagiti kandidata ket maawat babaen iti saan laeng a kinapintas ken kinasirib, no di ket iti pannakaammo da kadagiti isyu iti aglawlaw ken iti panangitandudo iti adbokasiya a mangsalaknib iti daga, danum, angin, ken biag iti kinaparsua.
Babaen iti nagpigsa a panangipakita iti sirib, kinamanangted, ken kinaregta iti adbokasiya para iti panangaywan iti aglawlaw, napaneknekan dagiti dua a reyna ti Cagayan Valley a dagiti umili ti rehion ket addaan iti kabaelan a mangidaulo iti panagbalbaliw para iti naurnos ken natalged a masakbayan.
Ti pannakabaligi da ket saan laeng a mangted dayaw iti Ballesteros ken Tumauini, no di ket iti entero a Cagayan Valley, a mangted inspirasion kadagiti agtutubo a mangipateg iti edukasion, panagserbi iti komunidad, ken panangsalaknib iti aglawlaw.
Daytoy ket maysa pay a pammaneknek a ti Region 2 ket agtultuloy a mangiparuar kadagiti lider ken ambasador a saan laeng a napintas iti ruar, no di ket napigsa met iti adbokasiya ken panagserbi iti pagilian.
