LAOAG CITY – Inpakaammo ni Provincial Officer Intelligence Agent V Lanibelle Posadas ti Philippine Drug Enforcement Agency nga adda pay ti 41 a drug affected barangays ditoy Ilocos Norte.
Segun kenkuana, adda ti 7.3 percent ti pakabuklan a bilang dagiti barangay iti intero a probinsia.
Inbatadna nga adda ti 35 a drug affected barangays ditoy siudad ti Laoag, 1 iti ili ti San Nicolas, 2 iti ili ti Pasuquin ken 3 iti ili ti Bangui a subject for deliberation.
Mainaig iti daytoy, agturong iti ili ti Bangui dagiti miembro ti Regional Oversight Committee on Barangay Drug Clearing inton Marso 24.
Inlawlawagna a ti drug proliferation ditoy probinsia ket adda iti low wenno moderate level laeng maidasig kadagiti dadduma a lugar iti pagilian.
Innayonna a daytoy ket babaen iti in-inot a pannakagun-od ti panagbalin a drug cleared kadagiti nagduduma a barangay ditoy probinsia.
