Nagprotesta dagiti human rights group iti London iti sango ti opisina ti Metal Exploration PLC, parent company ti Woggle Mining Corporation. Nakikadua da kadagiti residente ti Dupax del Norte, Nueva Vizcaya, nga agbarbarikada a kontra iti mining exploration ti Woggle Corp., maysa a British-owned nga kumpanya.
Ti protesta ket indauluan ti International Coalition for Human Rights (ICHRP)–Britain. Nangipatungpal da iti maysa a bassit a programa tapno kondenaren ti panangbuwag dagiti pulis iti barikada dagiti residente idi Enero 23.
Segun kenni Helen Brewer ti ICHRP–Britain, ti kasasaad iti Dupax del Norte ket mangipakita iti nabayag nga istoria ti panaglaban dagiti Pilipino kontra kadagiti dakkel a foreign mining company. Kinuna na nga inlukat ti ICHRP–Britain ti panangipabpabasol kadagiti naranggas nga panang-attake ken itultuloy da ti panangsuporta kadagiti Pilipino iti panangsalaknib da iti daga, pagbiagan, ken komunidad.
“The situation in Dupax del Norte is emblematic of the Filipino people’s long history of resisting foreign mining giants in the country. ICHRP-Britain condemns these vicious attacks and stands in solidarity with the Filipino people’s rightful defence of land, livelihood and community,” kinunana.
Inayon met ni Sam Martin ti London-Philippines Solidarity (LPS) nga iti panangsalaknib dagiti umili ti Dupax del Norte, masapul nga isardeng ti Woggle Mining Corporation ti operasyon na ken pumanaw iti komunidad.
Dagiti aktibista ket nagpanawagan nga respetaren dagiti kumpanya ti karbengan dagiti umili ken ti salaknib ti aglawlaw, saan laeng iti Pilipinas no di ket uray iti intero a lubong.
