Natay ti maysa a lalaki a nakalista kas National Most Wanted Person nga adda ₱1 milyon a pabuya para iti pannakadakep na manipud iti Department of the Interior and Local Government (DILG), kalpasan ti armado nga encounter bayat ti panagserbi ti pulisya iti warrant of arrest idiay Lubuagan, Kalinga, iti agsapa ti Enero 21, 2026.
Segun iti PNP, naangay ti operasyon idiay Sitio Tocpao, Barangay Poblacion, kalpasan nga adda impormasion a naawat manipud kadagiti umili maipanggep iti kaadda ti suspek iti lugar. Dagus a naggalaw dagiti pulis tapno maipatumpal ti legal a mandato.
Nabigbig ti suspek a ni Corey Dickpus, 64 anyos, residente ti Poblacion, Lubuagan. Isuna ket adda adu a kaso na a murder ken frustrated murder. Bayat ti panagserbi ti warrant, bigla nga nagsukir ti suspek ken nagbukas ti armas, nga nagresulta iti armado a engkwentro iti nagbaetan na ken dagiti pulis.
Iti panagbangga, maysa a pulis ti nasugatan ken naiwaras dagus idiay pagagasan tapno maikkan iti medikal a tulong. Ni Dickpus ket naiapan met idiay Kalinga District Hospital, ngem naideklarar a natay ti attending physician iti alas 2:43 ti agsapa.
Agpadpadauloy ti imbestigasion dagiti otoridad tapno maammoan ti amin a detalye ken kababalin ti insidente. Naibaga met a ni Dickpus ket dati a lokal nga opisyal iti Lubuagan, nga nagserbi kas vice mayor ti munisipyo ken barangay captain ti Poblacion. Iti eleksion ti Mayo 2025, nagtaray isuna kas independent candidate para vice mayor ngem naikatlo laeng.
Iti umuna a paset ti dekada 2000, naibaga ni Dickpus kas kangrunaan a most wanted iti Cordillera nga adda kaso na a multiple murder ken gunrunning. Adda met dagiti ulat iti dayta a panawen a nailadawan isuna a kasla “Robin Hood” a pigura, gapu ta adda dagiti umili a kunada a tumulong kenkuana tapno maliklikan ti panakaaresto na.
Source: Mountain Beacon
