Nasuruk 500 a agtutubo Cagayano ti nakabenepisyo iti Special Program for Assistance to Students (SPAS) ti Provincial Government of Cagayan (PGC), babaen iti Public Employment Services Office (PESO), kalpasan dagiti nagsasaruno a payout nga inaramid iti nadumaduma a ili iti Cagayan kadagiti napalabas nga al-aldaw.
Dagiti kwalipikado nga estudyante ket nakaawat iti suweldo a ₱480 kada aldaw, wenno kabuuan a ₱4,800 kada maysa, kalpasan iti sangapulo (10) nga aldaw a panagtrabaho kadagiti nadumaduma a campus ti Cagayan State University (CSU).
Ti programa ket paset iti adbokasiya ni Gobernador Edgar “Manong Egay” Aglipay babaen iti EGAY Governance Platform, nangnangruna iti E-Employment, a mangay-aywan iti pannakatulong kadagiti nagannak iti gastos ti edukasyon dagiti anakda. Sigun kenni PESO Manager Mylene Peralta, mangrugi ita 2026 ket dua a daras kada tawen ti panangipatungpal ti SPAS tapno ad-adu pay nga estudyanteng agkasapulan ti makabenepisyo.
Nagpasalamat met ti estudyante nga si Mark John A. Delos Santos manipud CSU–Sanchez Mira, nga impatinggana a dakkel ti maitulong ti programa saan laeng iti pinansyal no di ket iti pannakasursuro iti panangipangpangruna iti oras ken panagsabay ti adal ken trabaho. Naging katuwang ti PESO ti Provincial Treasurer’s Office iti payout kadagiti benepisyaryo iti CSU–Aparri, Camalaniugan, Lallo, Lasam, Piat, ken Sanchez Mira.
Source: Cagayan PIO
