Inlawag ti kapulisan a ti presensia da iti lugar ket saan a para iti panangiprotektar iti aniaman a kompanya, no di ket para iti panangipaneknek iti urnus ken talna, ken ti seguridad ti amin a adda iti lugar—empleyado man ti gobyerno wenno saan.
Segun kadagiti awtoridad, ti deployment ti pulis ket tapno maliklikan ti posible nga gulo, sagupaan, wenno karahasan iti nagbaetan dagiti dua a panig. Inadawda a saan a pudno dagiti ibagbaga a “binayaran ang pulis” o “kinakampihan ang kumpanya” ta ti ar-aramiden da ket paset laeng ti serbisyo a panangsalimetmet iti kapia ken kaurnos ti komunidad.
Impanamnama met ti kapulisan a adda umi-iral a bilin ti korte a masapul a masurot. Obligasion ti pulis a ipatungpal daytoy a bilin. No adda agtultuloy a panangharang wenno saan a panangtulnog iti legal a kautusan, masapul a agtignay dagiti awtoridad.
Ti panangaresto, kunada, ket saan a gapu iti panagsupiat iti pagmimina, no di ket gapu iti ar-aramid a sumalungasing iti linteg, kas iti resistance ken disobedience to a person in authority ken obstruction of justice. Binigbigda a ti inaksyonan ket ti aramid, saan a ti panunot wenno adal ti aniaman a persona.
Inlinaw pay ti kapulisan a dida agtedted iti permit ken dida met pagdesisyunan ti maipapan iti exploration wenno pagmimina. Isuda ket tagapagpatupad laeng ti linteg ken dagiti bilin ti korte.
Adu kadagiti pulis a naideploy ket paset met ti komunidad ken adda met pamilya da, ngem iti oras ti tungkulin, masapul a unayenda ti rule of law ken ti seguridad ti amin. Inawisda ti publiko a ipatuloy ti panagsupiat iti pagmimina babaen iti legal a dalan ken umno a proseso, tapno maliklikan ti karahasan ken ad-adu pay a danyos.
