Naangay a nalaing ken napintasan ti Pride Run 2026 idi Hunyo 27, 2026, kas paset ti panangselebrar ti Pride Month, a mangiparang-ay iti panagkaykaysa, panagrispeto, ken panagpapada kadagiti amin a paset ti komunidad.
Ti aktibidad ket naipatungpal babaen ti City Youth Sports and Development Office a siak-akay ni City Youth and Sports Development Officer Cloyd Peter Lalas, iti pannakitinnulong ti Alaminos City Bahaghari Association (ACBA) a pangulwen ni ACBA President Jan Kevin Rillera Ramirez.
Kas mangibagi iti ni City Mayor Arth Bryan C. Celeste, inted ni City Councilor Jan Marrionne R. Fontelera ti mensahe iti okasion, a nangipaganetget iti kinapateg ti panangbigbig ken panangrispeto kadagiti karbengan ti tunggal maysa. Inawisna met dagiti umili nga agtitinulong iti panangbangon ti maysa a komunidad a nalukmeg, nalinteg, ken adda asi para iti amin nga umili uray ania pay ti bukodda a pagkakakitaan wenno pannakaipakilala.
Nakitinnulong iti naturang nga aktibidad dagiti nadumaduma nga organisasion ken adu a kameng ti sektor ti LGBTQIA+, a nangipakita iti pannakikaykaysa ken suporta iti adbokasiya a mangipromote iti panagpapada, panangawat, ken panagrespeto iti dignidad ken karbengan ti tunggal tao.
Insurat ni IlocanoAK
Source: City Information Unit Alaminos
