Panagpatinnga ti Pavvurulun Afi Festival 2026, napno iti rag-o ken panagyaman
Napno iti rag-o ken panagyaman ti panagpatingga ti Pavvurulun Afi Festival 2026 iti Tuguegarao City, kalpasan ti sangapulo nga aldaw a selebrasion a nangipakita iti panagkaykaysa, kultura, tradision, ken talento dagiti Tuguegaraoeño idi Agosto 17, 2026.
Iti closing program a naisagana idiay Tabacalera Grounds, impakita ni Mayor Maila Ting-Que ti dakkel a panagyamanna iti saan a ninamnama a balligi ti selebrasion, uray pay iti panagtultuloy ti austerity measures. Kinunana a nabassit man ti nailang iti damag a pondo para iti kapistaan, dakkel ti tulong dagiti sponsors a nangaramid tapno agbalin a naragsak, napno iti kolor, ken di malipatan ti selebrasion.
Iti mensahena, impatalged ni Mayor Maila a ti panagkaykaysa ken ayat dagiti Tuguegaraoeño ti nangted iti naimbag a resulta ti kapistaan. Inallukoy met ni Vice Mayor Ross Resuello dagiti Tuguegaraoeño a isabada iti inaldaw-aldaw a biag ti pudno a diwa ti Pavvurulun, ti panagkaykaysa, panagtitinulong, ken panangipateg iti komunidad.
Nangruna pay a nangparagsak iti maudi a rabii ti pagtatang ti Block 25, a nakipagkanta ken nakisala dagiti opisial ti pamahalaan ken dagiti umay a makipagselebrar. Kalpasanna, naglawag ti langit babaen iti Grand Fireworks Display, a nangipakita iti serra ti napno iti kolor ken napateg a Pavvurulun Afi Festival 2026.
Source: LGU Tuguegarao City Official
