Nasurok 600 a pamilia iti Barangay Pita ken Barangay Babuyan, Infanta, Pangasinan a naapektaran ti habagat ken agsasaruno a bagyo ti nakaawat iti relief assistance idi Setyembre 24, 2026 manipud iti Pamahalaang Panlalawigan ti Pangasinan.
Indauluan ti Provincial Disaster Risk Reduction and Management Office (PDRRMO) ti panangipaay ken panangibingay kadagiti Family Food Packs para kadagiti naapektaran a residente. Personal met nga inyeg ni Atty. Ronn Dale B. Castillo, Executive Assistant III, kas pannakabagi ni Governor Ramon V. Guico III, ti tulong kadagiti pamilya.
Dagiti Barangay Pita ken Babuyan ket maibilang kadagiti Geographically Isolated and Disadvantaged Areas (GIDA) iti Infanta. Gapu iti kinaadayo dagitoy a lugar, narigrigat ti panagdanon dagiti residente kadagiti kangrunaan a serbisyo ken tulong, nangruna iti tiempo ti kalamidad.
Agtultuloy ti Pamahalaang Panlalawigan ti Pangasinan iti panangipaay iti tulong kadagiti komunidad a naapektaran ti kalamidad, nangruna kadagiti adayo ken narigat a danunen a lugar.
Source: Province of Pangasinan
