Inawis ni Baguio City Mayor Benjamin Magalong ti napigsa pay a panangsalaknib kadagiti karbengan dagiti Umili a Katutubo ken ti pannakapreserbar ti kulturada iti panagselebrar ti National Indigenous Peoples Month ken ti maika-29 a tawen ti Indigenous Peoples’ Rights Act (IPRA).
Kinunana a ti kultura ken tradision ket napateg a paset ti identidad ti komunidad. Gapuna, inawisna dagiti residente a raemen dagiti karbengan, tradision ken kontribusion dagiti katutubo, ken pagtunosenda ti panagdur-as iti panangsalaknib iti kulturada.
Source: Baguio City Public Information Office
