Naiparang ti kinabaknang ti kultura ken tradision ti Ifugao babaen iti Gotad ad Ifugao iti Cordillera Festival of Festivals 2026 idiay Session Road, Baguio City idi Oktubre 17, 2026. Babaen kadagiti uni dagiti gong, kanta, ritual a tignay, tradision ti panagmula, ken simbolo ti panagbiag ti komunidad, naipakita ti probinsia ti napateg a tawid ken naisangsangayan a pakailasinan dagiti umilina.
Tunggal uni ken tignay dagiti partisipante ket mangibagbaga iti pakasaritaan dagiti kapuonanda, tradision ti panagani, panagkaykaysa, ken kinaproudda iti nagtaudanda. Dagitoy a pannakaiparang ket mangipakita iti nauneg a kaipapanan dagiti ug-ugali ken pammati a naipasa manipud kadagiti kapuonanda agingga kadagiti agdama a kaputotan.
Babaen iti Gotad ad Ifugao, naiparang ti napateg a paset ti kultura ti Ifugao iti publiko, a nangpapigsa iti panangipateg ken panangsalaknib kadagiti tradision dagiti umili ti Cordillera. Ti pannakipaset ti probinsia iti festival ket pammaneknek ti kinapateg ti panangpagtalinaed iti kultur ken tradision kas paset ti pakailasinan, panagkaykaysa, ken kinaproud dagiti sumarsaruno a kaputotan.
Source: Mountain Beacon (https://www.facebook.com/share/p/18seLMsP4V/?mibextid=wwXIfr)
