Benipisyaryo ang mahigit 800 estudyante ng Tarlac State University ng tulong pinansyal mula sa Tulong Dunong Program nito lamang ika-23 ng Setyembre, 2025.
Layunin ng programa na matulungan ang mga kabataan na ipagpatuloy ang kanilang pag-aaral sa kabila ng kinahaharap na hamon sa gastusin.
Higit pa sa pinansyal na suporta, nagsisilbi itong inspirasyon sa mga iskolar upang lalo pang magsikap at patuloy na mangarap tungo sa tagumpay.
Binigyang-diin ng mga opisyal na ang nasabing programa ay hindi lamang nakatuon sa pagbibigay ng ayuda, kundi sa pagbubukas din ng mas maraming oportunidad para sa mga mag-aaral.
Para sa mga iskolar, paalala ng pamahalaan: ang bawat hakbang sa pag-aaral ay hakbang din patungo sa mas maliwanag na kinabukasan para sa kanilang sarili, pamilya, at bayan.
