Dead on arrival ti maysa a lalaki a nagmotorsiklo gapu iti aksidente a napasamak iti Barangay Bayubay Norte, San Vicente, Ilocos Sur.
Ti lalaki ket agtawen iti duapulo ket dua, agnaed iti Barangay San Sebastian, minanehona ti Yamaha Mio motorcycle.
Nagmaneho a nakainom ti drayber, ket saanna a nakontrol ti lugan isu a naidungpar iti kayo iti igid ti kalsada.
Nadunor ti nadumaduma a paset ti bagi ti drayber a naitaray iti ospital ngem saanen a nakalasat.
Source: Bombo Radyo Vigan
