Nagsayangkat dagiti personnel ti Bureau of Jail Management and Penology Regional Office 2 (BJMPRO-II), iti panangidaulo ni JCSUPT Roland Lee N. Cael, DSC, Regional Director ti Bureau, iti maysa a Tree Planting Activity idi Hunyo 23, 2026 iti adopted area ti ahensia a mabirukan idiay Community Environment and Natural Resources Office (CENRO), Lannig, Solana, Cagayan.
Pinanguluan ti Program Development Division iti sirok ni JSINSP Romeo T. Cabanayan ti nasao nga aktibidad a nakipasetan dagiti personnel ti BJMPRO-II. Naimula iti okasion ti 35 a narra, 35 a mahogany, ken 30 nga ipil-ipil seedlings a maitunos iti panagselebrar ti ika-35 nga Anibersario ti BJMP.
Ti nasao nga inisyatibo ket mangipakita iti panagtalek ken pannakikadua ti BJMPRO-II iti panangsalaknib iti aglawlaw ken panangitag-ay iti napatpateg a programa para iti panagtultuloy a panagdur-as ti komunidad. Mangipakita met daytoy iti papel ti ahensia kas katuwang iti panangtarabay iti responsable ken natalged a panangaywan iti kinabaknang ti daga.
Ti panggep ti daytoy nga aktibidad ket tapno makatulong iti panangpreserbar iti aglawlaw, panangpapigsa iti pannakitinnulong kadagiti lokal nga ahensia ken stakeholders, ken panangitag-ay iti pannakaammo ti publiko maipanggep iti kinapateg ti panagmula ken panangsalaknib kadagiti kayo para iti natalged, naraniag, ken nasayaat a masakbayan.
Source: BJMP Region 2 – Guardians of the Valley
