Naipasayangkat iti inspeksion iti pannakausar ti plastik ken styrofoam iti merkado publiko babaen ti Plastic and Styrofoam-Free Baguio Task Force, a buklen ti City Environment and Parks Management Office (CEPMO), Permits and Licensing Division (PLD), City Treasury Office – Market Division, Public Order and Safety Division (POSD), ken dadduma pay a maseknan nga opisina, ket nangisayangkat iti inspeksion idi Setiembre 22, 2026, iti City Public Market.
Panggep ti inspeksion a mamonitor ken matingiting ti panagtungpal dagiti stall operators kadagiti pagannurotan ti siudad mainaig iti panagusar kadagiti plastik ken styrofoam materials.
Agdagup iti 23 a puesto iti public market area ti naduktalan nga agus-usar pay laeng kadagiti sando plastic bags ken styrofoam containers. Naipaima kadagiti otoridad dagiti nakumpiskar a maiparit a plastik a bag, ken naited dagiti citation ticket kasta met dagiti pakdaar kadagiti maseknan nga operators ti stall.
Maipalagip kadagiti stall operators ken market vendors ti nainget a panangtungpalda iti Ordinance No. 35, Series of 2017, a maawagan pay iti Plastic and Styrofoam- Free Baguio Ordinance.
Source: Baguio City Public Information Office
