Binigbig ti Department of Agriculture Regional Field Office 02 dagiti innem a mannalun ti mais manipud iti Tuguegarao City kas Top-Yielder Corn Farmers iti Region 02 para iti Dry Season 2025–2026, iti Top Corn Yielder Awarding a naisagawa iti The Capital Arena, City of Ilagan, Isabela, idi Setyembre 22, 2026.
Kabilang kadagiti nabigbig da Ireneo Conag Jr. ken Maria Callueng ti Cataggaman Viejo; Adelina Langcay ti Capatan; Rolando Silva ken Roberto Adduru ti Carig Sur; ken Vicente Saquing ti Libag Norte. Naipaay ti panangilala kas paset ti 19th Philippine National Corn Congress-Luzon Cluster, a naisayangkat babaen iti Philippine Maize Federation, Inc. (PhilMaize) a kaduana ti DA Region 02.
Ti pannakilala kadagiti magsasaka ket mangipakita iti panagregget, panagibtor, dedikasion ken kontribusionda iti agtultuloy a panagdur-as ti produksion ti mais iti Tuguegarao City.
Nakiadda met iti aktibidad da Dr. Evangeline Calubaquib, a kaduana da Engr. Miriam Buguina-Domingo ken Engr. Alvin Walter G. Pascua ti City Agriculture Office. Ti pannakilala ket tapno maipateg ken mapabileg dagiti magsasaka a mangipakita iti nangato a produksion, ken tapno mapapigsa pay ti panagdur-as ti industriya ti mais babaen iti panangsuporta ken panangpasayaat ti lokal a produksyon.
