Naragsak a pinagdakkel dagiti agtutubo a residente ti Hungduan, Ifugao ti panagpatingga ti panagmula ken panagani babaen iti tradisional a “Punnuk” idi Agosto 22, 2026.
Idiay Hapao River, nagtitipon dagiti umili tapno makipagragsak ken makipaset kadagiti tradisional a pagay-ayam a kas iti tug-of-war ken body wrestling.
Ti Punnuk ket maysa a tradisyon nga agtultuluy a araramiden dagiti umili ti Hungduan iti adu a tawen. Daytoy ket panangidayaw ken panagyaman iti naimbag a panagani, ken mangipakita iti panagkaykaysa dagiti umili. Idi 2015, ti Punnuk ket nairaman iti UNESCO Representative List of the Intangible Cultural Heritage of Humanity.
Dagiti rice terraces ti Hungduan ket maysa kadagiti lima a grupo ti Ifugao Rice Terraces a naipalista iti UNESCO World Heritage List idi 1995. Babaen iti panagtultuloy ti Punnuk, mapagtalinaed dagiti umili ti Hungduan ti kultura ken tradisyon dagiti kapuonanda, ken maipasa daytoy kadagiti sumaruno a henerasyon.
Source: The Northern Courier (https://www.facebook.com/share/p/1D69354zY4/)
