Nagkaykaysa ti Philippine Statistics Authority–Regional Statistical Services Office 01 (PSA-RSSO 01) ken Department of Environment and Natural Resources (DENR) Region 1 iti panangisayangkat iti Tree Planting Activity idiay Barangay Dasay, San Juan, La Union ita Oktubre 6, 2026.
Ti aktibidad ket paset ti panangrambak iti 37th National Statistics Month, nga addaan iti tema a “Tuklas Pilipinas: Statistics as Beacon Towards Inclusive, Resilient, and Sustainable Tourism.”
Babaen iti panagmula iti kaykayo, panggep ti aktibidad a papigsaen ti panagtitinulong dagiti nadumaduma nga ahensya ken komunidad para iti pannakaaywan ti aglawlaw ken pannakapagtalinaed ti kinapintas ken kinadalus dagiti komunidad.
Naisentro met iti aktibidad ti kinapateg ti estadistika kas maysa a napateg nga instrumento iti panagplano ken pannakapasayaat ti komunidad, nangruna iti panangitag-ay iti turismo a mangiraman iti amin, nakasagana kadagiti peggad, ken mangsalaknib iti aglawlaw para kadagiti sumaruno a kaputotan.
Babaen daytoy nga aktibidad, impakita ti PSA-RSSO 01 ken DENR Region 1 ti kinapateg ti panagkaykaysa dagiti ahensya ken komunidad iti panangsalaknib iti nakaparsuaan ken panangitag-ay iti natalinaay ken sustainable a panagdur-as.
Source: PSA https://www.facebook.com/share/p/1boPi6qJDj/
