Nawaya-wayaanen ti suspek a nagtakaw ti pitaka idiay Barangay Butol, ili ti Santiago.
Ti biktima ket agtawen ti uppat a pulo ket maysa, residente ti nadakamat a barangay, idinto a ti suspek ket agtawen ti duapulo ket lima, construction worker, residente ti Barangay Sabangan, Santiago.
Iti pannakiuman ti Bombo Radyo Vigan ken ni PLT Jaime Caban Jr., mangmangan ti biktima iti pagtaengan ti amo na idin mapapati a gumatang kuma iti suspek ti sigarilyo iti sari-sari store a kukua ti amo ti biktima.
Gapu ta awan iti nauray ti suspek a manglako kaniana, simrek isuna iti pagtaengan bayat ti pannagna na iti kusina a masarakan iti likudan ti sari-sari store.
Innala ti suspek ti pitaka ti biktima ken dagus a naglibas a nagturong iti abagatan a direksion.
Idi agawid kuman ti biktima, nakita na nga awanen ti pitaka iti uneg ti bag-na a naglaon ti P8, 940 a kuwarta ken ID’s.
Basar iti CCTV footage, ti suspek ket nabigbig ti biktima isu a dagus isuna a nagpatulong kadagiti barangay official ken in-report da iti Santiago Municipal Police Station ket nakemmeg ti suspek.
Nupay kasta, imbabawi ti biktima iti panagipila ti kaso kontra ti suspek gapu ta naisubli ti wallet ket iti nagyan na a kwarta isu a dagus met laeng a nawaya-wayaan ti suspek.
Source: Bombo Radyo Vigan
