LUNA, LA UNION — Nalpasen ti Basic Incident Command System (ICS) Training Course a pinangidauloan ti Lokal a Gobierno ti Luna, La Union babaen ti Local Disaster Risk Reduction and Management Council (LDRRMC), iti panagtitinulong da iti Office of Civil Defense Region I (OCD-I), idi Abril 8 agingga 10, 2026 iti Tourism Function Hall ditoy ili.
Ti nasao a pagsasanay ket naglalayong mangpabileg iti kapasidad dagiti kameng ti konseho iti sumagmamano a ahensya, tapno mapapigsa ti panagtitinnulong ken koordinasyon da iti panangsungbat kadagiti nadumaduma a peligro ken kalamidad. Inyeg met daytoy ti napateg a kaammuan, abilidad ken umno a panagkitakita sakbay, bayat ken kalpasan ti aniaman a sakuna.
Dagiti mangisuro iti nasao a training ket dagiti personnel ti OCD-I, kadua dagiti kameng ti Bureau of Fire Protection (BFP), Lokal a Gobierno ti Pugo, La Union, ken Ilocos Training and Regional Medical Center (ITRMC), nga isu dagiti nangidalan ken nangibingay kadagiti eksperiensia ken adal a makatulong iti napartak ken epektibo a panagsagana ken panangsungbat iti kalamidad.
Sigun iti LGU Luna, daytoy a panagsanay ket paset ti tuloy-tuloy a panangpabileg iti kakayahan ti ili iti disaster preparedness ken response, tapno masigurado ti kinatalged ken kinatalna dagiti umili.
Source: PIA La Union
