Nangidaulo ti Land Transportation Office (LTO) Dagupan District Office iti panag-inspeksyon kadagiti nadagsen a lugan idiay Calasiao ken Dagupan, Pangasinan idi Mayo 9, 2026 tapno masigurado a masurot dagiti linteg ken pagalagadan maipanggep iti panagrehistro ken kinatalged dagiti lugan iti kalsada.
Paset daytoy ti kampanya ti ahensya a mangpabileg iti road safety ken panangsigurado nga agtultuloy ti panagtungpal dagiti operador kadagiti pagalagadan ti gobyerno. Sinukimat dagiti opisyal ti kasasaad dagiti lugan, safety features, dokumento, ken operational readiness dagiti unit.
Impalagip ti LTO kadagiti operador ken makinukua ti lugan a masapul a natalged ken rehistrado dagiti unit tapno makatulong iti natalged ken naurnos a panagbiyahe iti Region 1.
Source: LTO Region 1 Drive Better to Enjoy Safe Travel
