Nagsayangkat dagiti health emergency responders manipud kadagiti nadumaduma a Municipal ken City Disaster Risk Reduction and Management Offices iti probinsia ti Isabela iti maysa a Mass Casualty Management Responders Training idi Queen Isabela Park idi Hulyo 9, 2026. Babaen iti simulation exercise, impakitada ti kinasaganada iti panangtubngar kadagiti emerhensia a pakaadda ti adu a biktima.
Pinanguluan ti Department of Health (DOH) Region 2, Isabela Provincial Disaster Risk Reduction and Management Office (PDRRMO), ken Isabela Public Safety Office (PSO) ti nasao a panagsanay. Nakimaymaysa met dagiti nadumaduma a tanggapan ti Provincial Government of Isabela, pakairamanan ti PDRRMO, PSO, dagiti ospital a pagtagikua ti Kapitolio, 202nd Community Defense Center, Philippine Army (PA), ken Bureau of Fire Protection (BFP) Isabela.
Iti panagsanay, impakita dagiti responders ti naurnos a koordinasion iti panangklasipikar iti kasasaad dagiti biktima, natalged a panangiyakar kadakuada, ken umno a panangtaripato kadagiti nadangran iti maysa nga emergency scenario, a maitunos kadagiti naipatakder a pambansa a pagalagadan.
Ti simulation exercise ket tapno masukat ken mapapigsa pay ti kahandaan, koordinasion, ken teknikal a kabaelan dagiti health emergency responders iti panangtubngar kadagiti insidente a pakairamanan ti adu a biktima, tapno maipaay ti napardas, epektibo, ken natalged a panagresponde iti oras ti kalamidad wenno emerhensia.
Source: Isabela Pio
