Insayangkat ti Sangguniang Kabataan idiay Barangay Bequi-Walin, Lidlidda ti feeding program kadagiti agad-adal iti elementarya iti nasao a lugar.
Iti pannaki-uman ti Bombo Radyo Vigan ken ni SK Chairman Carlo Jay Mirabueno, manipod nangrugi iti panagtutudo ket napanunotda a mangisayangkat ti feeding program tapno mapagtalinaed iti kinasalun-at dagiti ubbing iti lugarda.
Segun ken ni Mirabueno, ti benepisyaryo ti programada ket manipod agad-adal iti Daycare agingga Grade 6 wenno nasurok uppat a pulo nga agad-adal iti Bequi-Walin Elementary School. Lidlidda ngem adda pay nairaman a sumagmamano a high school student.
Gagem ti nasao a programa a maipaayan iti nasalun-at ken nasustansia a taraon dagiti ubbing nangruna dagiti malnourished ita a panagtutudo.
Source: Bombo Radyo Vigan
