Nadunor dagiti dua a drayber gapu iti panagdinnungpar dagiti minanehoda a motorsiklo idiay Barangay Santa Monica, Magsingal, Ilocos Sur.
Ti Yamaha Sniper 155 a motorsiklo ket minaneho ti maysa a lalaki nga agtawen iti duapulo ket siam, taga-San Basilio, Magsingal.
Ti met Honda Click 125 a motorsiklo ket minaneho ti lalaki nga agtawen iti uppat a pulo ket dua, taga-Barangay Paras, Sto. Domingo.
Agpapa-amianan ti Sniper idin ta inovertakeanna ti lugan iti sangona ket kabayatan iti dayta, saan met a nadlaw ti Click a sumungad ti Sniper manipud iti bangir a linya isu a nagdinnungparda.
Nadunor dagiti dua a drayber ket naipaagasda iti ospital para iti naan-anay a pannakatamingda.
