Nakaipaay iti tulong ti City Social Welfare and Development Office (CSWDO) iti innem a pulo ket dua a babbai a maibilang iti nagduduma a kita iti narigat a kasasaad iti umuna a kwarter iti agdama a tawen.
Sigun iti nasao nga opisina, 20 a kaso ti naipila kontra kadagiti suspek, bayat a 42 a kaso pay ti nasaao a naipila gapu iti nagduduma a rason.
Kaaduan kadagiti kaso ket ti panaglabsing iti RA 9262 wenno Anti-Violence Against Women and Their Children Act, karaman 35 a kaso iti pisikal a panangabuso ken 16 phsycological a panangabuso. Adda metlaeng ti 6 a kaso iti panaglabsing iti Anti-Rape Law, 3 acts of lasciviousness, ken 2 kaso sa Safe Spaces Act.
Iti tawen dagiti biktima, kaaduan ket agtawen iti 20-29, kasaruno ti 30-39, ken 40-49. Adda metlaeng iti sumagmamano a biktima a menor de edad ken adda iti senior age group.
Kaadduan kadagiti insidente ket napasamak iti uneg iti pagtaengan, ken ad-adu ti napasamak iti rabii.
Kabayatanna, idi napalabas a tawen, dumanon iti 230 a babbai ti natulungan iti CSWDO, nu sadinno 60 a kaso ti naipila ken 170 ti saan pay.
Agtultuloy met ti palagip iti CSWDO iti publiko nga ireport ken saan a baybay-an dagiti kaso iti panangabuso kontra iti babbai.
Source: Bombo Radyo Baguio
