Imbinglay ni Julius Santos, Operation Officer ti City Disaster Risk Reduction and Management Office a naituding nga apanda kitaen ti Ground Zero idiay Guisad Surong,Baguio City inton sumaruno a lawas tapno i-inspekda ti area.
Malaksid iti dayta, mangisayangkatda metlaeng iti massive clean-up operation tapno ikatenda dagiti posibble hazards iti nasoa nga area ken tapno makasubli metten dagiti pamilya kadagiti pagtaenganda sadiay apaman a maadal nu natalgeden ti nasao a lugar.
Innayonna pay a nu kasapulan a maideklara daytoy a no build zone area, isu ti iyaramid da.
Sigun pay kenni Santos, makaduada inton sumaruno a lawas dagiti dadduma nga eksperto a mang-adal iti nasao a pasdek. Iti ngamin makin-ngato a paset ti mismo a nakargaayan ti daga, adda dagiti pagtaengan partikular ti maysa a dakkel a balay.
Innayon daytoy a malaksid ngamin iti mismo a pasdek, ada pay dagiti pasdek a nakitaanda kadagiti cracks gapu iti pannakasaturate ti daga.
Mainaig iti dayta, imbinglay ni Santos dagiti kadawyan a senyales tapno maamuwan nu narisgo ti maysa a pasdek iti landslide. Karaman ditoyen nu pagay-ayosan ti danum ti nasao a pasdek, ininot a panagbangking dagiti kaykayo iti asideg ti pagtaengan ken nu adda dagiti movements kadagiti imprastraktura.
Nagpallagip met ni Santos iti publiko nga agtulnogda kuma no ada dagiti paabiso dagiti barangay officials dagitoy nangnangruna ita a panagtutudo.
Impeksana met a kanayun a nakalukat ti City Disaster Risk Reduction and Management Office tapno marespondean a dagos dagiti maiyawag kadakuada.
Kabayatanna, impeksana a nakalukat ti donasyon para kadagiti apektado a pappamilya. Para kadagiti naayat a mangidonar, makikoordinarda laeng iti City Social Welfare and Development Office .
Kagidan dayta, nagkiddaw daytoy kadagiti mangidonar a nu mabalbalin ket dagiti baro wenno ‘never been used’ ti ipaayda a donasyon.
Sigun kenkuana, naobserbaranda metlaeng nga adda dagiti donasyon a saanen a maaramat.
Source: Bombo Radyo Baguio
