Nakipaset ti Bureau of Fire Protection Region 2 iti Opening Ceremony and Reception Rites ti Fire Basic Recruit Course (FBRC) Class No. 2026-145 a naisayangkat idi Setyembre 15, 2026, idiay Camp BGen Vicente Lim, Barangay Mayapa, Calamba, Laguna.
Sinalubong ti seremonia dagiti 1,205 a trainees ken dagiti kabaruan a na-recruit a Fire Officer 1 personnel manipud kadagiti nadumaduma a rehion ti pagilian. Sumailalim dagitoy iti panagsanay tapno maisagana ida iti pagrebbengan ken responsibilidad iti fire service.
Iti babaen ti panangidaulo ni FSSupt Victoria Agbayani Domingo, DSC, Regional Director, nagtultuloy ti BFP Region 2 iti panangsuporta kadagiti programa a mangpabaro ken mangpasayaat iti kabaelan dagiti personnelna, kas paset ti professional development ken panangpapigsa iti serbisyo publiko.
Panggep ti panagsanay a mapapigsa ti kaalaman, kabaelan, ken kahandaan dagiti kabaruan a fire personnel tapno nasaysayaat a makapagserbi iti publiko ken nasaysayaat a makasungbat kadagiti emergency ken insidente ti sunog.
