Agtultuloy ti panagsagana iti Baguio City Public Cementery para iti umadani nga undas inton sumaruno a bulan.
Iti agdama, addan dagiti trabahador iti lugar tapno agdalus ken agurnos iti entiro a sementeryo.
Kabayatanna, manamnama ti panag-duty dagiti CEPMO officers, barangay officials, ken pulisya para iti kinatalged ken kinaurnos ti aglawlaw ti sementeryo.
Nagpalagip met dagiti agbambantay kadagiti bisita nga agturong sadiay a tumulong iti panangsalimetmet iti kinadalus ken kinaurnos iti lugar kabayatan iti panawen ti undas.
Sigun kenni Antonio Ocampo, Public Services Assistant, Parks Division ti CEPMO, awan pay ti impaulog ti City Administrator Office nga schedule para iti panagbisita iti public cemetery.
Sigun pay kenkuana, bassit dagiti nagturong a bisita ita a tawen nu idilig kadagiti naglabas a tawen no sadino naobserbaran iti naglabas a tawtawen nga apaman a dumanon ti Oktubre adun dagiti pamilya nga agturturong iti sementeryo.
Patien met ni Ocampo a gapu daytoy iti panagngato ti presyo iti produkto a petrolyo.
Guyguygoyen na met ti publiko nga agturong iti sementeryo kadagitoy nga aldaw bayat nga awan pay iti adu unay a tao nga agbisbisita no sadino imbinglayna a mabalinda agturong manipud alas-6 ti agsapa agingga alas-6 ti rabii.
Source: Bombo Radyo Baguio
