Nasalamaan ti Tagudin Animal Quarantine personnel ti maysa a trak a naglaon iti 1,400 a cull chickens a mapatta-patta nga aggatad iti P265,000 idiay Barangay Bio, Tagudin, Ilocos Sur.
Dua a lalaki ti nakemmeg gapu iti panaglabsingda iti sa Provincial Ordinance No. 15-06, Series of 2015 wenno Animal Quarantine Ordinance ti probinsia.
Saan a nagpaidalan iti inspeksion dagiti dua a lalaki idi masitarda babaen kadagiti kameng ti animal quarantine.
Addan iti kustodia ti Tagudin Animal Quarantine ti trak, dagiti manok ken dagiti nakemmeg para iti proper disposition.
Source: Bombo Radyo Vigan
