Nadunor dagiti nagkalubbon ti motorsiklo kalpasan ti napasamak nga aksident idiay along national highway, sakupen ti Barangay Catayagan, Santa Lucia, Ilocos Sur.
Ti nagmaneho ti ford ranger ket agtawen iti tallopulo ket pito, residente ti Barangay Catayauan, Lal-lo, Cagayan.
Ti met nagmaneho ti Honda click motorcycle ket agtawen iti duapulo ket dua, backrider na ti agtawen iti duapulo ket walo, agpada a residente ti Barangay Bao-as, Sta Lucia.
Basar iti CCTV footage, agpada a daldalayasaten dagiti dua a lugan iti bagatan a direksion no sadino ti pickup ket adda iti inner lane idinto a motorsiko ket adda iti outer lane.
Idi madanon da ti nakapasamakan ti insidente, nagpaigid ti pickup iti kalsada ket dita metten a gundaway a nadungpar na dagiti naka-motorsiklo.
Agpada a nadunor dagiti nagkalubbon iti motorsiklo a dagus da a naipan iti balay pagagasan para ti naan-anay a pannakataming da.
Saan met naan-ano ti drayber ti pickup iti napasamak nga insidente.
Source: Bombo Radyo Vigan
