Nagun-od ti siudad ti Baguio ti Gold Award winner iti maikadua nga ASEAN Smoke-free Awards (ASA).
Naipresenta ti award kabayatan ti opening ceremony ti ASEAN Health Ministers Meeting sadiay Melaka, Malaysia nga indauluan ti Malaysia’s Ministry of Health idi Huebes, September 10.
Daytoy ket kas panangbigbig kadagiti sub-national smoke-free policies ti siudad a nairanta a mangsalaknib iti salun-at ti publiko.
Naipaay ti awards gapu iti smoke-free policy achievements daytoy a naitunos iti ASEAN Post-2015 Health Development Agenda ken ti 2017 ASEAN Declaration on Culture of Prevention
Indauluan ti Gobierno ti Lao PDR ti ASA babaen iti ASEAN Health Cluster 1, koodinasyon daytoy iti Southeast Asia Tobacco Control Alliance (SEATCA) ken ti ASEAN Secretariat.
Napili ti siudad para iti Gold Award kalpasan ti screening process.
Mainaig iti dayta, nagun-od ti George Town sadiay Penang, Malaysia ti Silver Award bayat a nakaawat iti Bronze Awards ti Depok City, Indonesia; Kuala Lumpur, Malaysia; Thanbyuzayat Township sadiay Mon State, Myanmar; Pasig City, Philippines; ken Maha Sarakham, Thailand.
Kabayatanna, nakaawat ti Singapore iti Special Recognition on Smoke-free Enforcement gapu iti kanayon nga smoke-free enforcement daytoy.
Source: Bombo Radyo Baguio
