Nagsanay dagiti 51 a citrus growers manipud Allacapan ken Ballesteros iti makabag-o a pamproduksyon ti sitrus iti training a naisagawa ti Office of the Provincial Agriculturist (OPA) idi Setyembre 24, 2026 iti Cagayan Farm School and Agri-Tourism Center, Anquiray, Amulung, Cagayan.
Naging resource speaker ni Jeffrey Talosig ti High Value Crops Development (HVCD) ti Department of Agriculture–Northern Cagayan Experiment Station (DA-NCES), a nangibingay iti napateg a pannakaammo, teknologia, ken praktikal a pamay-an iti nasaysayaat a panagproduksyon ti sitrus.
Naipakita met babaen iti technical demonstration dagiti asexual propagation techniques, agraman ti cleft grafting, budding, ken dadduma pay a pamay-an ti grafting, kas iti umiso a panagpili ken panagsagana ti rootstock ken scion. Naipakita pay kadagiti sumursurot ti umiso a proseso iti panangaramid iti grafting cut, panangikabit ken panangurnos ti graft union, ken panangaywan kadagiti baro a na-graft a mula tapno mapataas ti posibilidad ti nasayaat a panagdur-as dagitoy.
Nakiisa met kadagiti training dagiti kinatawan ti Municipal Agriculture Office ti Allacapan ken Ballesteros kas pammaneknek iti suporta da kadagiti programa ken serbisio teknikal para kadagiti citrus growers.
Ti training ket tapno mapapigsa ti pannakaammo ken kabaelan dagiti citrus growers iti panangaramat kadagiti umiso a teknologia ken good agricultural practices, tapno mapapintas ti panagdur-as ken produksion dagiti punot a sitrus, mapagtalinaed ti kalidad ti bunga, mabassit dagiti production losses, ken mapalawa dagiti oportunidad iti merkado ken pagtaudan iti ad-adu a kita dagiti magsasaka.
