Rinambakan ti Bureau of Jail Management and Penology Cordillera Administrative Region (BJMP – CAR) ti maika-35 nga anibersario ti pundasionda babaen ti tema, ”Disiplina iti Responsibilidad sa Serbisyong may Kredibilidad” iti Camp John Hay Trade Cultural Center ditoy siudad ti Baguio, Lunes, Agosto 24, 2026.
Ti mangitampok iti programa ti anibersario ket ti pannakaited dagiti plake ti panangbigbig kadagiti naisangsangayan a pasilidad ti BJMP, opisial, ken personnel, kasta met kadagiti mapagulidanan a kasosyo nga ahensia ti gobierno, LGUs, akademiko nga institusion, ken pribado a maseknan.
Iti keynote message ni BJMP National Director Efren Nemeño, nga inted ni JCSupt Clint Russel Tangeres, inyebkasna ti panagyamanna kadagiti awardees gapu iti agtultuloy a panagkumit ken suportada a nangitunda kadagiti naisangsangayan a gapuanan ti BFP – CAR.
Inawagan pay ni Director Nemeño ti agtultuloy a panagtitinnulong iti panangidur-as ti dakdakkel, ad-adda a nadisiplina, natauan a BJMP a pagtaltalkan ti umili a Pilipino.
Source: PIA Cordillera Administrative Region
