Sugatan ang tatlong indibidwal matapos ang vehicular traffic accident sa kahabaan ng Acop, Caponga, Tublay, Benguet nito lamang Huwebes ng hapon, ika-16 ng Marso 2023.
Batay sa ulat ng Tublay PNP, ang drayber ng blue na Pajero at Mitsubishi Delica ay parehong patungo sa La Trinidad, Benguet nang biglang makatulog ang drayber ng blue na Pajero na siyang dahilan kaya nabangga nito ang Mitsubishi Delica sa kanyang harapan.
Ito ay nagresulta sa pagtamo ng tatlong pasahero ng minor injuries habang ang dalawang drayber naman ay walang natamong pinsala.
Kaagad namang dinala ng mga tauhan ng Tublay PNP ang tatlong sugatan sa Cordillera Hospital of the Divine Grace para sa agarang medikal na atensyon.
