Duapulo ken maysa (21) a par ti opisial a nagbalin nga agasawa iti panangidaulo ti Libreng Kasal 2026 Batch 2 nga naangay tatta nga aldaw, Hunyo 24, 2026, iti Don Leopoldo Sison Convention Center.
Ti seremonia ket pinangulohan ni City Mayor Arth Bryan C. Celeste kas paset ti programa ti lokal a gobyerno a mangted iti gundaway kadagiti agayayat a mangipailegal ken mangpasingked iti panagmaymaysa dagiti pamilia.
Ti programa ket mangipakita iti panangpateg ti administrasion iti pamilia kas kangrunaan a pundasion ti natalged ken nasayaat a komunidad. Maangay daytoy kada tawen babaen iti panangisurot ken panangimaton ti City Civil Registrar’s Office a pangulohan ni LCRO Lovely De Castro-Milles.
Nakitinnulong met iti okasion dagiti opisial manipud iti Philippine Statistics Authority (PSA), a kas kadagiti ni Registration Officer IV Zenaida Garcillan a nangibagi iti PSA Regional Director Atty. Sheila O. De Guzman, ken ni Supervising Statistical Specialist Verna Palsimon ti Pangasinan Provincial Statistical Office. Nakitinnulong met ni City Vice Mayor Jose Antonio Miguel Y. Perez kas saksi iti nasao a pasamak.
Nagbalin a naespirituan ken napateg a pasamak ti Libreng Kasal 2026 Batch 2, a nangted kadagiti nagasawa iti gundaway a mangrugi iti maysa a legal ken napasingked a biag-pamilia.
Insurat ni IlocanoAk
Source: LGU Alaminos
