Pormalen a naluktan ti 2026 Narvacan Sports Festival iti ili ti Narvacan ita nga aldaw, Oktubre 22, 2026.
Nalukatan ti seremonia babaen iti panangidaulo ni Mayora Edna Cabalo-Sanidad, ket naiwayat ti parada a nakipasetan dagiti amin nga empleado, ken dagiti participating teams agraman dagiti opisial ti barangay ken dagiti pagadalan.
Nasuspenso met ti gudua’t aldaw ti klase dagiti makipaset a pagadalan iti sportsfest tapno maikkan gundaway ti pannakipaset dagiti agad-adal.
Paset iti programa ti pannakaibasa ti Oath of Sportsmanship ken pannakasindi ti symbolic Olympic Torch babaen ken ni Palarong Pambansa Gold Medalist Carlito Corrales.
Kabayatanna, marugianto met dagiti sports event inton Oktubre 24 a nabingay iti dua a benneg – isu ti basketball ken volleyball.
Maaramid daytoy babaen iti inter-zone ken inter-agency a pagbabalubalan dagiti nabingay-bingay a grupo.
Source: Bombo Radyo Vigan
