Namahagi ang lokal na pamahalaan ng school supplies sa lahat ng mag-aaral ng Day Care Center sa Pulungbulu Child Development Center, Angeles City nito lamang Lunes, ika-21 ng Oktubre 2024.
Ang naturang programa ay pinamunuan ni Mayor Carmelo Lazatin Jr., katuwang ang kanyang mga konsehal at ang SK President.
Laking tuwa ng mga bata sapagkat nakatanggap ang mga ito ng libreng school supplies na naglalaman ng backpack, school shirt na may kasamang sapatos at medyas, textbooks, crayons at notebook. Ayon kay Mayor Lazatin, “Mananatili pong edukasyon ng mga batang Angeleño ang priority ng ating administrasyon.”
