Patay ang isang lalaki matapos binangga ng isang sasakyan sa harap ng Auto Supply, Pico Road, La Trinidad Benguet nito lamang ika-08 ng Nobyembre 2023.
Ayon sa ulat, habang minamaneho ng driver ang kanyang sasakyan na Toyoto Innova galing ng Puguis, La Trinidad, Benguet paliko ng Pico, La Trinidad, Benguet nang biglang nabunggo nito ang tumatawid na biktima na kinilalang si Mars Roesnio Licuasen, 41 anyos.
Agad naman dinala ang biktima sa hospital ngunit sa kasamaang palad ay nagtamo ito ng malubhang tama sa katawan na nagdulot ng kanyang kamatayan.
Nanawagan naman ang PNP sa lahat ng mga drayber at motorista na mag-doble ingat sa pagmamaneho upang maiwasan na masangkot sa anumang uri ng aksidente sa daan.
