Boluntaryong isinuko ng isang indibidwal ang kanyang loose firearm sa Barangay Chalalo, Aguinaldo, Ifugao nito lamang Oktubre 22, 2023.
Batay sa ulat, isinuko ng isang residente sa Barangay Captain ng nasabing barangay na agad naming na-iturn over sa himpilan ng Aguinaldo PNP.
Nabatid na ang isinukong baril ay isang Caliber 38 revolver pistol, hindi alam ang gumawa at modelo, hindi nakikita ang serial number at bala.
Hindi na pinaalam ang pagkakakilanlan ng may-ari ng baril para sa kanyang seguridad.
Ang isinukong baril ay resulta ng pinaigting na kampanya kontra sa loose firearms, ammunitions at explosives sa pamamagitan ng Information at Education Campaign na isinasagawa ng Aguinaldo PNP.
